Ocean Conservation Expedition: September 7-10
Ingirasilaungitilluta umiaqjuakkut taikangat Mulgrave September 7 mit umiaqjuakuk qaujisaqniq paqnagiaqalauratta tuavilluta. Paqnakpallialuta amma umiaqjuaq paqnagiaqalaurattigut ullunit 22 nut ingiraniaqtattinnut tamauna kanangnangagut imangata Nova Scotia taikungauvallialuta Bay of Fundy qaijuqalauqtuq Aaron Beswick Saltwire miutaq. Aaron uqaqatiqalauqtuq umiaqjuakkut qaujisaqniq sivuliuqtigijattinnut, Geoff Green, Tariup Imanganit Suruittailimaniq Umiaqjuakkut Qaujisaqnirijattinnit amma pimmariuninganut saqittikanniqlluni umajuqauqninganut qanuittutuinnanik tamaani. Qimirujunnattiaqtutit Aaron titiraqsimajanginnit uvani here.
Unnunganganit ingirasilauqtugut tamauna Nova Scotia imangagut Kanangnanganit Sigjaqauqllutik Qikitarijangita, sivulliqpaaq tuvvigilauqtavut Wolfes Qikiqtanga, una qikiqtaq iviqauqtuq, qiqquaqauttiaqtuq, tariuqaqtumit piruqsimajut umajuqaqviulluni amisunit tariuqmiutanut. Taakkualu qikiqtaqauqvigijaujut, Wolfes Qikiqtanga ivaviuqattaqtuq amma niqiqaqvigijaulluni nunamiutaujunut amisunut tingingmiangujunut tariuqmiutauvaktunut amma sigjamiutaujunut tingmianut. Taikaniililratta ikajuutiqalauqmat piliriqatigijattinnut Canadian Umajulirijiit Pilirijinginnut amma Nova Scotia Gavamangatta Allavingat Nunamiutaqutinginnit Kisutuinnalimaattiangit. Pivvigijunnalaurattigut katuiqsuilluta imanganit pivvigitlugu qaujisarutiksattinnik eDNA nalunaijautiksanginnit, makualu tukisijjutigikannirunnautiksattinnit, katiqsuilluta qaujikanniqniaratta qanuittuujunit umajuqauqmangaat tamaani. Qaujijjutigikannirunnaqniaqtavut qanuittuulauqmangaata taisumanikanniq kingulliqpaanguqatauliqmat suqusiqtausimanginninga amma umajuqauttiaqmat qikiqtait tamaaniittut North America qikiqtaqtaqauttiaqningangut.
Qimiruaniksimalirattigut taanna 100 Unajut Qikiqtangit turaalilauqtugut Halifax, Kuuqaqvigijaaluata Imaqutinganit tariumi (qaujimajauttiaqtuq Kjipuktuk nguniraqtaujuq nunaqaqqaaqsimajuqutinginnut Mi’maq) upaksimajunnalaurattigut ullulimaaq nunalinganiqmiutaujunut taikani Iksaqvituarijanganit Nunalipaujangata Ullurijanganit, kativviujunnalauqtut kikkutuinnanut paqnaktaulluni Kisaqvilirijanginnut Halifax. Taikani, ilaqarunnaqsilauratta piliriqatigijavuttauq Miawpukek Horizon Maritime Pilirijinginnut, Ulnooweg, amma Kanatamit Tariup Imanganit Supercluster. Saqijaaqtitauttiaqtuaaluulauqtuq katiqatigiilauqtunut amma ilinniarutittiavaaluulauqmat ilanginnut uminga suruittailimaniq tariup imanganit umajuqauninganut, una UN kut 30×30 turaagarijanganut ammal pilirivallianirijanginnit SOI ikajuqninginnut ikajuutiksanit. Ilinniaqtitaulauqrivugut Katal Umaqutinganit, ingirajjutiqaqmat uqsu.alungmuungittuq qanuqtuurutiqaqtuq ingirajuq Plar Prince Sikusiuti, una Umiaqjuaq ikimavvigijavut!
“Qimirujauquttiarattigut qanuittuttiavaaluuninganit tamanna nunaqjuamit, tariup imanga amma pijjutigitlugu pisimattiariaqaqnittinnit tariup imangangit”. – Geoff Green
Amisut nutaangungmata piliriqatigiliqtavut umiaqjuakkut qaujisaqniq Halifax mit. Taakkua Tukisinasuaqtiungmata, sanaugalirijutlu, iqanaijaqtiit amma umiaqjuamit ingiratittijut. Unnunaganit, kikkuumangaatinnit qaujiqattautianikkatta, uqausiqalauqtugut tariup imanga qanuq tukiqaqrinittinnit. Ilanginnut, tariup imganga angirarijautluni tusaqniqtunit titirausiuqpaktunut, ilanginnut tungavigijauttiaqlluni. Una tariup imanga naumtuinnattiaq ingiraviujunnaqrijaungmat amma qanuiliuqataujumajunutlu ilanginnut piliriqataujunut. Suuqaimmaaluugaluaqmat, tariup imanga umajuqtaqattiaqmat, atuutiqattiaqllunilu. Asuilaak, tariup imanga qanuqli tukiqariviuk?
Iglamajakkatta quviasuluaqnikumuujugut amma pijumaniqattialuamut, ingiralilauqtugut taikangat kisaqvinganit, amma ingirainnalilauqtugut tariungata kanangnanganit kisaqviginiaqtattinnut St Andrews-by-the-Sea.
Tamainnik qimirujunnaqtatit umiaqjuakkut qaujisaqniq makpiqtuganga naqitlugu uvani here.