Ocean Conservation Expedition: September 13-14
Umiaqjuakkut qaujisaqniq ingiravallianginnarattigut ullunut marruknik taikaniilauqtugut Passamaquoddy Bay amma St. Andrews-By-The-Seai, New Brunswick mit.
Sivulliqmit tikililauqtugut amiaqsimaquujittiaqtuq kajjaaqnaluaqnikumut St Andrews mut tungasuktittijaqtuqlluta ilaunialisaaqtunit piliriqataujuksanit ilauniaqtunit amma asingitlu ilaujjaarunniiqmata tavvauvutiriaqtuqllutigut. Ingirasilaunginnittinnit sikusiutikkut Zodiac, Boris Worm taikangaaqtuq Dalhousie University nalunaijaqsimajunit saqittilauqtuq tamatuma nunaqutinganit. Uqausiqalauqtuq qanuq Passamaquoddy nunaliqalilauqsimaninginnit tamaani kajjaaqnaqninganut amma ikpiaqjuktaqaqninginnit nunamut isiriaqviit amma umajuqtaqauttiaqninganit.
Nunalisimaliratta, pulaalauqtavut Alanna Baird qanittumiittuq sanaugaliuqvigijanganut, Alanna tunganattialauqmat takuqqutillunigitlu sanaugaliarisimajanginnit amma qanuiliuqattaqmangaangani, amma tunisililauqtuq niaquutiliarisimajanganit titiraujaqtaminik titirautilingmut sanaugaliuruti 3D tunilluniuk Jessie mut. Niaquutiqalilauqtuq Polar Prince Sikusiuti Umiaqjuamit, niaquutiqsimalluni Akuqvingmiilauqtuq, qungiallunigitlu tingmiat amma aquppallialugu umiaqjuaq.
Pulaaqsimaanikkattigut Alanna sanaugaqaqvittiavanga taikani St. Andrews Umajulirivvigijanga Pilirivvinganit (SAB) tungasuktittilauqtut uvattinnit qimirujunnaqniarattigut pilirivvigijangat SABS nutaunginniqpaangutlunilu umajulirivvigijangat pilirivvigijaujuq Kanatamit, aajiiqatigiigutigivaktangitlu tukisinasuattiaqniqmut tariup imanganit suruittailimaniq, silautlu asijjiqpallianinganit, amma tariup imanga umajuqattiaqutlugu taanna tavva qanuqtuurutigijunnaqmagit tamainnik pilirivviqjuarijauvaktunit amma nunaligijaujunit tamaani tariup imanganit umajuqaqviuvakmat. Takujunnaqsilauqrivugut umajuviniqmingaaqtumit katiqsuivvigijangannit, pitaqalauqtuq aqviup najjiavininganit.
Unnuksangani, Umiaqjuakkut Qaujisaqniq Sivuliuqtiujuq Geoff Green tungasuktitilauqmat Minister Iqaluliriniqmut, Tariup Imanganitlu amma Kanatamit Sikusiutilirijinginnit, Joyce Murray, amma Minister Avatiliriniqmut amma Silaup Asijjiqpallianinganut, Steven Guilbeault, ikimaqataulauqtut Polar Prince Sikusiutingangit qimirutlugu umiaqjuaq. Ilaqalauqmata Maligaliuqtiqjuaq Yasir Naqvi, Adam Van Koeverden, amma Seamus O’Regan. Tungasuktilauqmijavut tallimat makkuktut Wolastoquey First Nation miutait, marruk pijariuksavalliajuk taikangaaqtuuk ECO Kanata BEAHR pijariusavigijaujunit piliriarijaksanginnit, amma Ken Paul, Sivuliuqti Iqaluliriniqmut Kiggaqtuiji amma Iqaluliriniqmut, Tukisinasuaqtinut Tukimuaktigijautluni. Quviagittiarattigut ilaqaqnialiratta nutaanit ilaunialiqtunit umiaqjuakkut qaujisaqattani piliriqatigiingnialiqtunit!
Amisuungmata kikkutuinnait nunaligijannit nunaqaqtut piliriarijaqalauqsimangimmata umiaqjuakkut. Quviasuktunga taakkua makkuktut pinasuaqninginnut […] Niriutunga amisukanniqnit makkuktunit kikkutuinnanit isumaqarunnaqugaluaqpakka tariup imanganit iqanaijaaqaqatauqugaluaqtakka […] Iqalulirijitaqqattiaqmat amma piliriarijaksattiavautluni iqanaijaarilugu amma atuutiqattiaqmat ikajuutiqarunnaqninganutlu nunaligijaujunut, kisiani pitaqauttiaraluaqmat tariup imanganit iqanaijaksaqtaqauqmat makkuktuqutivut qaujimangitangit pitaqauninginnit. – Ken Paul, Sivuliuqti Iqaluliriniqmut Kiggaqtuqtiulluni amma Iqaluliriniqmut, Tukisinasuaqtigijaujuq Tukimuaktittiji
Qautillugu ullaakut ulaarumitaalalauqlluta, “Piliriqatigiit Lobster” qakilauqmata zodiac sikusiutimut lobster taqaliqmangaata mikigiaqvingitnit ippaksangannit imaanualauqtillunigit. Atausiq ilagijaujuq tukisinasuaqtiujunit pilliriqataujuq, Brontë Thomas, iqalungnit qaujisaqtu amma umavigivaktangit iqanaijaaringmagu taakkununga Peskotomuhkati Nation, pilirivalliajuq qaujinasuaqlluni amisuuninginnit qassillu auktajuuralaaqaqmangaata Atlantic lobster inginnit. Piliriqatigiigunnaqsilauqmijut tukisinasuaqniqmut piliriangujuksanit makkuktut qaujisaqtiujunit taikaniqmiutait Peskotomuhkati Nation , DFO, amma ACAP Saint John mit. Qautamaat takujaqtuinnaqmajjuk lobster mikigiaqvingit amma imaanuakanniqpakllunijjuk ikajuqtiqaqllutik makkuktuuqatigijamingnit ikimajunit, qanuiliuqattaqnirijamingnit tautuktitillutik piliriaksattiavauninganutlu iqanaijaarilugu suruittailimajunnaqniqmit tariup imanganit.
Utiqsimaliratta umiaqjuap qaujisaqvingnut mikigiaqtausaattiaqaaujutlu lobster nalunaitaulilauqtut amma uuturaqllugit. Mike, umiaqjuamit iqanaijaqtuq mikigiaqattaqsimagamilu nalunaiqsijunnaqlluni aqnaungmangata angutaungmangaataluunniit sitijunit niuqaqllutiglu, uqalilauqtuq, “amisuujut angutiit” amma tukisitililauqtaatigut “Uqaumaitigijut pingasunit-uqumainitigilik pounds anguti lobster matuiqsijunnaqtuq beer mit kukingitigut!” Taimairaanikkatta, ujjiqsuttiarasuaqlluta kiliqtailimallutigut aggakput amma “attungittiarasuaqllutigut” taanna lobster tasijaqtuliqllugit kukingit. Taima nalunaijaijunnaqsivugut nalliak aqnaungmangaata “miqugalaaqaqninginnut” naanganit, ajjigingimmagit tisiniqsaungmatalu angutit naangit. Tukisinasuaqtiujuq piliriqataungmijuq titiqsivallialauqmat angutiungmangaata aqnaungmangaataluunniit uukturaqllugitlu tunuaniittut pulavigivaktangit (uktuutit atuqllugit mm) amma paqnakllutigut lobster. Pianililauqtugut, katitavut umajuviniit puuqalilauqrattigut qillittumut puuksautimut amma quaqsiivingmuaqllugit. Taakua lobster katitavut ikajuutiqaqnialirivut tukisititijunnaqniaqninginnut mikkittukulungnit auktajuuqaqmangaata tariup imanganiqmiutaungmata ilaak.
Unnuksanganit, ingirasilaurivugut upagasuaqtattinnut, akinnanganit sullunganit amma Long Eddy Point. Ikaaqpalliagattigut imaqutinga Atlantic katililauqtugut igluqjuaqutinganit umiaqjuap qanuittuuningitnitlu amma uqausirivallianiaqtattinnit. Ken Paul, Sivuliuqtigijaujuq Iqaluliriniqmut Kiggaqtuqtiullunilu amma Tukisinasuaqtinut Tukimuaktigijaujuq ukununga Wolastogey First Nation uqausiqalauqmat qangatuqaqsiutinginnit Wolastogey Nation kunnit, atuutiqaqninganutlu umajuqtaqauttiaqninganit tamaani, amma pimmariuninganut ilauqataujunnaqmata ilittijjutigitlugitlu amma tusaqtitauttiaqllutik tautukautigitlutik-piliriqataujut qaujimajatuqarijaujunik makkuktut ilaujut umiaqjuamit. Uqausiqaqatigiililauqtugut qanuiliuqniriqaujattinnit ullurijattinnit ilaulluni Trevor, aqutigiqataujavut Zodiac Sikusiutimit James Bay miutaq uqautilauqtaatigut ullumiguuq takujariuqtuq nattiqmit. Taakkualu Tingmialirijiit uqausiqalauqmijut takuqauniraqllutik Naujanik, aullaagajuktulli imaqutinganut Africa tauvunga Chile mut. Shianne amma Loretta saqitittilauqmijut sanaugattiavaqutinginnit pianisaaqtanginnit\ ullumi.
Siqiniq nipilaungitillugu, imaanuaqsikannililauqtugut mikigiarutinit lobster mut amma qaujititililauqtut ingiravalliajunit ingiranirijangagut tariup imanganit, asuilaak taimaigajukkatta SOI imaanualauqtugut niglinaraluaqtillugu tariup imanganut qiggiqvigitlugu umiaqjuaq Bay of Fundy imaqutinganut.
Umiaqjuakkut Qaujisaqniq kuuqattaliratta una tavva Shayelin qiggililauqmijuq umiaqjuamit tuqllulallunilu “Qanulimaaq Ajungittunga!”
Qimirujunnaqtatit umiaqjuakkut qaujisaqniq uvani.
Qimirujunnaqtatit ajjiliugait katiqsuivittinniittut ilainnaraluangit umiaqjuakut qaujisaqniq uvani.