Ocean Conservation Expedition: September 11-12
Kajusiinarattigut ingiravallialuta ukua ajjigiingittut tingmaiat, iqaluit, imaqmiutait amma piruqtungit qanuittutuinnattiat takuksaulauqtut taikani Nattiit Qikiqtanganit amma Machias Nattiit Qikiqtanganit, saqililauqtuq qanuittutuinnattianit pitaqaungninganut. Taakkuak marruuk qikiqtaak tikiraqviuvangmat tingmianit. Pitaqauqtigingmat 330 ajjigiingittunit tingmianit nalunaiqtausimajuq tavvani 880 nit anginiqaqmat acres nunaqutinga. Kanatamit Umajulimaat Pilirijiujut pilirijingit ilaulauqtut umiaqjuamit qaujisaqniq uqalauqtuq tingmiaqsiuti nalutaikutaqaqvingagut qaujijjutigijaksaujuq ajjiqaqmangaangannit uvuuna oceanographic data tukisiumajjutigijaujunnaqtuq nalliak sapummijaujariaqaqmangaata.
Nattiit Qikiqtangani, takulaurivugut taikani nunaliqaqtunit. Tungasuktitaulauqtugut, unikkaaqattautilluta, amma niriqatigiilaurivugut tallurunnanik piliriqatigiitigut! Tusaqtitauttialauqmijugut qangatuqaqsiutinginnik qikiqtaup, marruklu tamaniqmiutammarik qatangutigiitngujut nunaqaqvigililauqsimajangat, Nova Scotia lu nutaunginniqpaattianga qijukmit sanaugaq qaummaquti tariup imanganiitunut nalunaikkutaq, amma atuutiqattiaqninganit Irish Ivissugaq katiqsuiniq. Una taijaujuq carrageenan issinga iluaniituq Irish ivissugaq nanijaujunnaqmat atuutiqaqllunilu niqjutiningaangittunit uqsunginnit, ammalu manningningaaqsimangittunit ilagijaujunnaqmijuq, asuilaak pitaqauqtuq nanituinnaq ilajausimajut ice cream amaamagaksaitlu surusinut!
Unnuksakkut qimirukataanikkattigut qikiqtaq utililauqtugut umiaqjuamut amma katilluta iglujuapaujanganit uqalimaaqatigiiklluta tusaqniqtunit Shannon Webb-Cambell titiqaqnginnit amma uqaqatigiittialauqtugut pijjutigitlugu tariup imanga qanuq suruittailimankanniujunnaqtunit imaqmiutaitlu sapummijunnakannirasuaqniqmit.
Qautillugu ullaanganit taikungaunasualilauratta Machias Nattiit Qikiqtanganut nuqavigikainnaqllutigut niuvigniaqtattinnit amisunik amujausaaqnikunit lobster iqalugasuktinginnit niuvilauqtugut umiaqjuakkut qaujisaqtiujunut nirijaksanginnit unnukpat! Sivumukkatta Machias Nattiit Qikiqtanganut usijaulauqtugut Zodiac kut sigjanganut amma tungasuktitauttiaqllutalu qiqquaqauqtummarialuuluni imanga.
Machias Nattiit Qikiqtanga akiraqtuutaugajungmat Amialikamiunun amma Kanata pigililauqsimajuq 1812 mit. Tingmiaqaqviujutuangunginninganut tariuqmiutaujunit ivavvigijaullunilu ajjigiingittunut Gulf of Maine, qrraagutngusaaqtut , sila asijjiqpallianinganut, imaqutinga pitaqaliqtuq lobster nit, uangnanganuakanniqllutiklu imanga unaqniqsauliqninganut. Amisuungittut umajuqutingitnit takulauqtugut kigavingnit, naujavingnit, amma sigjariaqjungnit.
“Kikkutuinnait qinigajungmata sigjariaqjunit, amma ukua tavva 15-20 uuktuutitigut ungasigiiktigijut sivurattiatinnit”.- Rick Ludkin
Ilagilauqtanga umiaqjuakkut qaujisaqniq, ikajulaurattigut Bedford Illinniaqvigjuanga Oceanography kut katiqsuiniq nalukpalliajunit ingiravallialutik. Saqititausimajuq umaqutilirinikkut pilirivvialungannit Nova Scotia, pitaqaqtitingmata nalunairutaujunnaqtunit tariup imangata ingiraninginnik, unaqninganit, amma qanutigilu tariuqqaqmangaanit, ungasingniriiktut asingitlu. Nalukpallialutik ingirajut akunningagut aqvingnit tkaagulliknit saqittuqalauqmijuq. Taakkua mikilaangungmata aqviujunit kigutiqaqllutiglu sauniungittunit aqviujunit!
Kajjaaqnaqnialua amma ajjigiingittuutiuninginnut upaktaugajungimmat saqijaattialauqtut. Nattiqnit takulauqtugut, mikilaangujunit aqvinqnit, ajjigiingittunitlu iqalungnit, qanuittutuinnattianiglu piruqtuviniqnit pitaqauqlluni. Boris Worm Dalhousie University tamaungarumainnaujaqtuq qikiqtamut arraagunut 20 nut. Iqanaijainnaujaqlluni qaujinasuattianginnaqtanga una Bay of Fundy, kisiani ajurutiqaqattalauqmat upagaksaunginninganut. “Uakallaalunga, sailinnattiaqtualuk tavvvani,” uqalauqtuq.
“Silatingaangana Bay of Fundy ajjigiingittuutimmarialungnit amma piruivvigijauvallianginnaqtuq tamaani Kanatamit, ammalu asijjiqpalliaqatauniqpaangutluni unaqsivallianinga amma aktuqtausimaliqmat sila asijjiqpallianinganut, sukkasaqatauniqpaangungmat tamaani 99% tariup imanganit. Qutilaanganiiqatauvugut atausiulluaqtuqmit ilagijautluta piujunniiqpallianinganut. Amma upaksimagattigut inigijauttiaqtaalungmat, suuqlu qaujisaqviqaqtugut tukisijjutiksattinnit aktuijauninganut sila asijjiqpallianinganut umajuqutita najuganginnit, amma qanuiliurutiksakanniqnit sapumminasuaqniqmut pilirijunnaqtavut saangalirattigut tamanna.” – Boris Worm
Qaujivallialaurattigut flora, fauna amma imaqutiqaqtut taikani nunaliqaqtuit Bay of Fundy, isumagijunniijjaarunniiqtavut qanuiqunagit amma angirarijangit. Katimatilluta igluqjuanganit umiaqjuap, tukisinaqsijuq uqausiqatigiigiaqaliqtugut amma aniguittiarunnaqninganit pinasuattiatuarutta. Kisiani aajiiqatigiingnikkut tamainnik naukulimaaq, amma ilaulutik nunaligijaujut.
Qimirujunnaqtutit tamainnik umiaqjuakkut qaujisaqnilirilauqtattinnit uvani makpiqtugaqmit.