students on ice logo

French

Select a language

English
French

Ingiraqataunginnarit Ilinniaqpallianginnaqlutillu ammalu aktuijausimaniqmut underline

Tungasuttiarit taakununga Aniguisimajunut Ilinniarutimingnit

Ikajurumaniqattiaqmata, Sikumit Ilinniaqtiujut (SOI) qaujisaqattaqniujuq sivulliqpaangungmat makkuktuit inuusiksanginnut ingiravallianiaqtillugit piruqpalliattiaqniqmut ammalu ajurunniiqpaalirutiksanginnut.  Ilauqattaqsimajut utiqsimaliraangata qaujisaqataulauqtillugit,  taanna SOI-kunnit Aniguisimajut Piliriaksangit tungasuktitauttiaqattaqtut pilirijjutiksaqarunnaqsingmata ikajurumaniqmingnut pigiarunnaqsijut.  Ullumi, pikkugittiarattigut nunaqjualimaamit tusaumaqattautijunnaqsigatta amisuutigujut unuqniqsaullutik 3,200 aniguisimaliqtut nunaligjuanit 52 nanituinnalimaattiaq nunaqjuamit, ammalu ikajuinnaqniaqtavut aniguisimajuqutigijavut ikajukanniqlugit ilinniaqpallialutik ammalu sivuliuqtiksangurunnaqniaqmata ammalu iqanaijaaqattiarunnaqniaqmata ajurunniirpalliajjutigilugit.

Atirijait titiraqlugu takugiaqviksaq taasumunga Nangminira Sikumit Ilinniaqtiujunut

Aniguisimajunut Ilinniarutimingnut Piliriangujuksat

Sikumit Ilinniaqtiujut piliriarijaksangit katiqatigiikpaktut taakkuatuangungittuq, kisiani pisimainnaqnialiqtangit inuusilimaanginnut-qangamutuqaq ilinnianginnaqnialiqtut, ikajuqtauvallianginnaqlutik ilinniarutiminik aniguisimajut-sivuliuqtutik qanuiliuqtaujuksanik, nunalingni ikajuqtuijunnaqlutik, ammalu nangminiq ammalu ajungittiarunnaqniaqmata pilirinasuattiaqniqmut.

Silaup Asijjiqpallianinga Pigiarutigijauliqtuq Piliriqatigiinguliqtunut

Qimiruttiarattigut piruivallianiq silaup asijjiqpallianinganut sivuliuqtiujuksanik, taanna CAC katittingmat 10 Kanata-miutanik makkuktunik ilinniarutimingnik aniguisimajunik arraagutamaat saqiijiqataujunnaqniaqmata saqijaangittunik akunninginnit atuagaliuqtiuvaktut isumaliurutigivaktanginniklu, nunalingni pigiarutiksanik ammalu makkuktut qaujimakanniqniaqmata. ikajuqtigiingnikkut qimiruqatigiikkanniqlugit, nangminiq piliriarisimajangillu aaqiigiasiqattaqllutik ammalu ilauvvigilauqtanginnit taikani COP, atuni piliriqatigiinguliqtunut ilinniaqpallianiaqmata sialaup asijjiqpallianinganut atugaliangusimajunik, sivuliuqtiuniqmut ammalu piliriaksanik piruivallianiq, ammalu ajurunniikannirutiksanginnut ammalu ikajuqtaujunnattiaqllutik saqitaunasuaqninganut ammalu aaqiigiarunnaqniaqmata nunalingni piliriangujuksanit.
Ilinniakannirutiksat

Ilinniarutimingnit Aniguisimajut Tilijauqattaqnirijangitnut

Ilinniarutimingnit Aniguisimajut nipiqattiaqtut kanata-limaamit ammalu silaqjualimaamit katimaqatauvakllutik tusaqattautijunnaqsillutik ilinniaqpallialiqllutiglu uqausiuvalliajunik. Tilisiqattaqniq ikajuutiqaqmat qanuiliukannirutiksanginniglu ilinniarutimingnit aniguisimajunut uqausiqaqatigiiglutiglu ammalu aajiiqatigiigunnaqllutik amisukanniqnut ilinniarutimingnit aniguisimajunut ammalu pilirijunnaqniqmingnut tusaumaqatigiikkanniliqllutik.

Ilinniarutimingnit Aniguisimajunut Katimajingit

Taanna Sikumit Ilinniaqtiujut Katimajingit pinasuaqmata ilinniarutimingnit aniguisimajut iqanaijaqatigiiktut ilinniarutimingnit aniguisimajunut. Taakkua pijumaniqattiaqmata atuni pinasuaqllutik uqaujjigiaqtiujunnaqllutik katimajiuqatimingnut ammalu aqutigijaungmata akunninginnit taakkua ilinniarutimingnut aniguisimajunut piliriarijaksanginnut ammalu ilinniarutimingnit aniguisimajunut. Iqanaijaqatigiingmata qaujimaqatigiiglutik ammalu katiqattakanniqniaqmata ilinniarutimingnit aniguisimajut, titiraqpalliajangillu tusaumaqatigiigunnaqllutik ammalu aajiiqatigiigunnaqllutik.
Ilinniakannirutiksat

Ikajuutialaat Kiinaujatigut

Sikumit Ilinniaqtiujut ikajuqtaungmata kiinaujaqtaarutiksaujunnaqtunik ikajuqtaujunnaqniaqmata ilinniarutimingnit aniguisimajunut-sivuliuqllutik piliriangujuksanut nunaqjualimaamit nanituinnattiaq. Pijuminattiaqmat taanna makkuktunut ikajurunnaqniaqmata ammalu tukisikannirutiksanginnut ingiravallianikkut qaujisaqattaqniq ammalu taanna pilirianguvalliajut ikajuutiqarunnaqniaqmata nunalinginnut ammalu nanituinnaq nunalingnit nunaqjuarijattinnit.

Qaujimajitarijangit

Ilinniaqpallianiq inuusilimaamuungangmat, ammalu ukpirusukkatta qaujimajitarijaujuq uqautijauttiarunnaqmat ammalu uqautijauttiarunnaqninganut qaujimajitarijaujunnaqmat. Taanna Sikumit Ilinniaqtiujunut Qaujimajitarijangit Piliriangujuksaq katiqatigiingniqaqmat tamainnik qaujimaqattautijunnaqlutik ammalu uqaujjigiaqtiujunnaqllutik pillattaaqtumit-nunaqjuamingaaqtunik tautungnirijanginnik.

  • “Ilauvvigillugu Silaup Asijjiqpallianinga Pigiarutigijauliqtuq Piliriqatigiinguliqtunut ajaukkanniqmaanga aksurukkannirumaniqmut turagarijaksakka ammalu tukisikanniqllugit isumaalutigijauliqtut.  Pilirillattaarumanirijara, ikajuutiqaqmat uvannit isumaksaqsiurutigikanniqllugu qanuiliurumanirijannit ammalu atuqsimaanilirakku tukisiakanniliqllugulu sivuniksannit iqanaijaarijumanajaqtannut ammalu piliriarijaksaujunnaqtunut.”

    William Sanderson, 2014 Aputiqaqtumit Nunaqjuap Ataanit ilinniarutiminik aniguisimajuq

Isiqvigilugu taanna Nangminira Sikumit Ilinniaqtiujunut Isiriaqvingat

Nangminira Sikumit Ilinniaqtiujunut pigijaungmat aniguisimajunut ilinniarutimingnit isiriaqvingat ammalu tusaumajjutigijaulluni Sikumit Aniguisimajunut tusaumajjutigingmajjuk.  Qiniqpallianasukkuvit qanuiliurutiksaujunit, uqaqatiqarumaguvilluunniit ilinniarutimingnit aniguisimajunik, atiliurunnaqtutit Qaujimajitarijaulutit uvaluunniit pinasuarumaguvit Ikajuutialaat Kiinaujatigut uvaluunniit Tilijauqataujumaguvit, tavva uvani pigiaqvigijunnaqtait taasumuuna Nangminira Sikumit Ilinniaqtiujunut.

Atirijait titiraqlugu takugiaqviksaq

Tusagaksaliangusaaqtut