Expedition to Community - SOI Foundation

Qaujisaqatigiingniq Nunaligijaujunit

Qaujisaqatigiingniq Nunaligijaujunit (E2C) makkuktut-sivuliuqtut ikajuqniqmut piliriangujuksat tungattiaqmat ammalu ikajuqniqaqmat nunaligijaujunut. E2C ikajurumaniqattiaqmat piliriqataujunit ukiuqaqtunit 15 tikillugu 30 tamainnut isumagillugit aturiaqaqtanginnit nunaligijangannit ammalu iqanaijaqatigiikpata tukisinaqsijunnaqninganut qanuqtuurutiksaujunnaqtut, pitaqaqmat ikajuutiksanit, ammalu piruikannirunnaqmata piliriangujuksanit makkuktunut ammalu makkuktuuqatigijanginnut.

Taimaulauqtillugu 2019, E2C piliriarijaksangit angiqatigiiqattaqsimaliqmata Kanata makkuktungit ikajurumaniqmut piliriangujunnaqtunit tamainnit Inuit Nunagat-nittlu. Aksuruinnaramik, pijariuqsavallianikkut, qaujimajitaqaqllutik, ammalu kiinaujaqaqtitaullutik. Nunaligijaujut Tukimuaktingit ammalu Nunaligijaujunit Makkuktulirijiit Katimajingit pilirijunnautiksanginnit tunijausimajut katiqatigijunnaqattaqniaqmagit makkuktut, inutuqait, ammalu nunalingnit ingiratittijiuvaktunit. Piliriqatigiikpata, tautuqatigiigunnaqniaqmata sivuniksamut-turaaqtunit pijuminaqtut aaqiksimaluni ikajuqtigiingniqmit kikutuinnanut nunaligijanginnit.

Taanna piliriangujuksaq saqiitittisimangmat amisut aniguttiaqsimangmata unikkaaqattaqllutik nunaligijannullu piuniqattiaqmat piliriarijangitigut, silaup asijjiqpallianinganut katimaqattaqllutik, nunamiillutiglu ilinniarutigivalliallunijjuk, ammalu makkuktut katiqatigiigvigivaktangat piliarinasuaqtanginnut.

Nunanguaq E2C Kunningaaqsimajut

Naqillugu nunaguaq ataaniittuq tusaqvigijaksaujut nalunaiqsimallutik atuni pilirijiujunut E2C Kunnignaaqsimajunit Paqnaijiuqattaqtunit Qanuiliurutiksanut.

E2C Blog

Past Initiatives

Tukisikanniqniaravit makkuktut-sivuliuqtut nunaligijaujunit qanuiliurutiksangit saqippallialiqmata nunaligijaujunit tamainnik Inuit Nunangat. Ataanit E2C-kut piliriarisaaqsimajangit ammalu qanuiliurutigisaaqsimajangit.

Pigigattigut Silaup Asijjiqpallianirijanga (OCOA) Qarasaujakkut Tautuqattautillutik Makkuktut Katimanirilauqtangat

Avunniit 2021

Tugliringmagu arraagulimaaqsiutit katimaniq OCAO makkuktut katimanirilauqtangat katiqatigillugit nunaligijaujut tamainnik Inuit Nunangat uqausiqaqllutik asijjirutigijauliqninganut silaup asijjiqpallianinganut Uangnaqmit. Pingasunit-ullunit katimalauqmata unikkaaqviujunnaqsilauqput inutuqaqnit, tukisinasuaqtiujunit, ammalu atuqsimajanginnit inuuvigijanginnit nunalingningaaqsimajunit Makkovik, Inuvik ammalu Iqaluktuuttiaq ilaujunnalauqmata makkuktut qangatuqaulauqsimajunit, ilinniaqpallialutik ammalu tamainnik isumaqalilauqtut qanukanniq piliriarijaujunnaqninganit sangajauliqmat sailavut asijjiqpallianinganut. Tusaqtaujjutikkut-Takuksaujutigutlu nunalingnut tamainnik Inuit Nunangat-ni, qarasaujakkut takuqattautillutik katimaniq ikajuqniqalauqmat ikajuqtuqtaujunnaqnialiqmata makkuktut-sivuliuqtut nunalingnit katiqattaqniuniaqtumit silaup asijjiqpallianinganut.

Qaujinasuaqatigiikpallianiq Ullunga

Avunniit 2021

Kugluktuk makkuktungit qaujinasualauqmata isumagijaujunit nunaligijanginnut aktuijausimanirijangit sanginiqarunnaqninganut sanaugatigut ammalu uqaqatigiingnikkut. Qaujinasuaqatigiikpallianirilauqtangat ullunganit quviasuqatigiilauqtut pimmariaaluuninganit ikajuutiqaqninganullu makkuktunut nunaligijanginnut, uqaqatigiigunnalilauqmata ammalu amiaqpallialutik piliriarivalliallugu ikajuutiksaujunnaqniaqtunit isumagijauvallialisaaqtunitlu makkuktut-sivuliuqtut qanuiliurutigijunnaqtanginnit. Ulluq saqiitittilauqmat amisunik turaagaksarijaujunnaqtunit suuqlu nunaligijaujunit piuttiarunnaqninganit piliriangujunnaqtunit, nanisijunnaqsillutiglu ilagiittiaqlutik inigijunnaqtanginnit makkuktut kativvigiqattarunnaqtanganit, ammalu ikajurunnaqnialiqmata iksinnakugijaujunit qimminit nunaligijanginnit. Tusaumattiarasuinnarit nutaanik qanuiliuqpallianirijanginnit tamakkuninga qanuiliurutauvalliajunit taqinit qaivalliajunit!

Nunaligijaujunut Ikajuutiksait Puukulungmiittut

January 2021

Nunaligijaujunut ikajuutiksait puukulungmiittut piliriangujuksait NUVAGJUAQNAQ-ujjiqsuttiaqllugu aajjiiqatigiigunnalauqmata piliriangujuksanik pijunnaqsilauqtut makkuktut Makkovik-mit isumaksaqsiuqllutik qanuiliurutiksarijunnaqtanginnit sivuniksamut saqiitaujunnaqtunik. Piliriangujuksait qatangutigiingujunit 8 pijunnaqsilauqmata quvianaqtunit aggangmut-piliriarijaullutik qanuiliurutiksanginnit iqaijunnaqsilauqtut quvianattiarunnaqninganit piliriqatigiiglutik ammalu isumaksaqsiuttiarunnaqsilauqtut isumatuaqangillutik ammalu qanukkaniq katiqatigiik-kannirunnaqninginnit nunaligijanginnit tukisinaqsitauvagiiqlluni-NUVAGJUAQNAQ.

Kugluktuk Sigjanganit Sanilauqtut

Saggaruut 2020

Sigjagijangat akinangannit nunaligijangata Kugluktuk, Nunavut sanilauqmata qanuingittiarumaniqmut ullurijumallugu taakunangat akunninginniittut-ukiuqatigiingittut iqanaijaqatigiiliqtunut. Taikangat uqarijangata Kugluktuk kuunganit tauvunga pigiaqviginiaqtangannit 4-milimit ungasingnilik imaqutingata iluanit, saniqpalliajut takuksaujunnalauqtut saniqpalliajanginnit qajariaqnit, qattirijjutiviniqnik, igluqjuat akinnaqmiutanginnit, ammalu aliqsiviniqnit. Ikajuqtaullutik hamlet-nginnut Kugluktuk-mit, ammalu nunalingningaaqsimajunit ingirajjutiqaqllutik atuutiqattialauqmata qanuingittiarumaniqmut ullurijanganit. Amisut qujalijauttiaqtut ikajulauqtut ammalu akiliqtaulaungittuugaluanut. Ammalu, unnuksaliqtillugu pigiarutigittiarunnaqsilauqmajjuk, piliriqatigiilauqtut quviasuqatigiikllutik pilirittiaqninginnut-tunijauttiariaqalauqmata niriqatigiikllutik silami ammalu piugittialauqtangat sanianiksimaliqtillugit nunaqutigijangannit.

Pigigattigut Silaup Asijjiqpallianinga Ukiuqtaqturigattigut (OCOA) Makkuktut Katimanirilauqtangat

Avunniit 2020

Sivulliqpaaq uqalimaagaksaliangusimajuq taakkunangat OCOA-kut makkuktut katimanirilauqtanganit Inuvik-mit, Nunatiaq, katiqatigiigunnaqsilauqmata Beaufort Delta miutaujunit uqausiqaqllutik ammalu qimirujaullutik qanuilingaliqnirijanga silaup asijjiqpallialiqnirijanga nunaligijangannit. Tallimat-ullunut katimalauqmata ilaullutik makkuktut, tukisinasuaqtiujut, nunaligijangannit uqallaktiiujut, ammalu piliriqatigijaujut suuqlu Makkuktut Silaup Asijjiqpallianinganut Qaujisaqvigijangannit takujunnattiaqniaqmata ammalu pilirijunnaqllutik aggangminut-piliriarillugit piliriangujunnaqtunit tamatuminga silaup asijjiqpallianinganut. Katimaniulauqtuq tukisiumajaujutuqaqnik Pinguqtittilauqtut Beaufort Delta Makkuktunginnit. Avunniutillugu 12, 2020, taanna pinguqtitaulauqtuq uqalimaaqtaulauqtuq ilagijaujumit Nunatsiaqmiut Maligaliuqvinganit taasumunga Lesa Semmler, Maligaliuqtiujuq Inuvik Twin Lakes.

Makkovik Amiaqtut Unnunganit

Makkovik nunaligijangat amiaqtut unnunganit katittunnaqsilauqmata makkuktut nunaligijanginningaaqsimajunit katiqatiqarunnaqsilauqtut SOI-kunnit Angiguisimajumit, ilaujuqarilluni Aniguisimajumittauq sivulliqpaanguqatausimajumit SOI Qaujisaqnirilauqsimajanganit. Ilaulauqtut apirijaulauqmata kisu piuginiqpaaringmangaagit nunaligijanganit tasaqauqtunit amialauqtut. Ilaujut tusaqtittijunnalauqtut qaujimajanginnit inuusirijangit Makkovik-mit (Nunavik, Québec), ammalu isumagijanginnik ammalu turaagarijanginnit sivuniksarijanginnut. Tamaqmik, makkuktut tukisinaqsitittilauqtut pilirikannirumaniqmingnit piliriaksaqakannirumallutiglu katiqatigiiqattaqlutik nunaligijanginnit saqitauvalliajunillu. Uqaqatigiillutik tukisinaqsilauqtut nunaligijanginningaaqsimajunit makkuktunut saqittikanniqlutik piliriangujuksaujunnaqtunit ikajuutiqarunnaqtuniklu makkuktunut nunamiiqattakanniliqlutik ammalu ikajukannirunaqniaqmata nunaligijanginnut.

Qaujisaqpallianiq Nunaligijaujunit ajuqnangititaungmat qujalittiaqtavut kiinaujaqaqtitaujunnaratta Gavamakkut Kanatamit tavvuuna Kanata Ikajuqtiujut Corps piliriangujuksatigut.

Qaujikannirumavit?

Ikajurumaniqaqtuaruvit, ikajurumanniruvilluunniit, uvaluunniit pijuksiguvit uqalimaaqtavit miksaanut tavvani makpiktugaqmit, tusaqtitaujumattiaqtugut. Katiqatiqarumattiaqtugut imaak-isumaliurunnaqtunik kikkutuinnanik, nunalingningaaqsimajunit, ammalu katujjiqatigiingujunit. E2C piliriarijaksangit maanna katiqatigiiqattarunnaqsingmata makkuktut ukua nalunaiqsimajunit nunaligijaujunit tamainnik Inuit Nunangat ammalu piruikkannirumajugut piliriangujuksanit amisukanniqnut nanaligijaujunit.

Tusaqtitaujunnaqtugut

Makkuktut-Sivuliuqtut Nunaligijaujunit Aktuiniq underline