students on ice logo

French

Select a language

English
French

Ikajurumattiaratta ammalu ajurunniikanniqniaqmata sivuliuqniqmit suruittailimaniqmut sivuniksattinnut

Tusagaksaliangusimajuq Tungaviliulauqtumut

Asuilaak 1999-mit, nangiqllunga Aputiqaqtumit Nunaqjuap Ataanit avalujausimallunga kajjaaqnattiaqtumit amisummarialuulutik pittiulaat, isumallungalu imannaikuni-qanuq:  isumajunnaqpata makkuktut isumagijannik uaaa-ikajurumannaq ikpigillugu makkuktillugit ikpigusugunnaqpata ikajuutiqarunnaqtut tukisikanniqlutiglu, isumagijanginnit, ammalu inuusilimaanginnut.  Arraagungmat, sivulliqpaattiat makkuktut ilinniarialilauqmata qaujisariulisaaqtillugit aputiqaqtunit, ammalu Sikumit Ilinniaqtiujut saqittisimajut amisuutigilluaqtunik 3,200 silaqjualimaamit iliqusiqatigiingittunik makkuktunit ammalu ilisaijiujunit taimaulauqtillugu.  Katiqatigiiqattaqllutik inugiat, saqitaujuksakkutigullu ammalu ajjiliugatigut ikajuqtaujumaniriqattaqtavut ajuqnarunniiqtitausimagatta ammalu amisukannimmarialungnit tusaqtausimaliqtugut, tukisijauliqllunilu Sikumit Ilinniaqtingit silaqjuaqmiulimaangujunit sivuliuliqtut ilisaijunnattiaqninginnut ammalu makkuktut tukisiumaqatigiigunnaqsitjut .

Kisiani Sikumit Ilinniaqtiujut pianiksimaliraluaqtillugit nuqatuinnaqattangittut qaujijsaanikkaangata uvaluunniit katiqatigiigaanikkaangata.  Aniguisimajuqutigijavut ingiratittingmata pilirivvigijanganit, taakkuningalu NGOs, titirarunnaqsillutiglu qimiruagaqnit, pilirijunnaqsittiaqllutiglu tukisinattiaqtumit-nalunangittunit qaujisaqtuliriniqmit tukisinasuattiaqataqniqmut ammalu angijuaalungmit ikajuutiqarunnaqsijut nunaliqutigijanginnut ammalu nunaqjuattinnut.  Pilirivallianginnarattigut ikajurumaniqaqtuannuungmata makkungniqsaujut suruittailimaniliriniq sivuliuqtiuniqmit.

Ullumiuliqtuq, tautukkattigut Sikumit Ilinniaqtiujut Tungavingat aniguitittijunaqtut angiligiakanniqluni turaararijavut, saqitippalliajavut, tauvungakkanniq ammalu aktuikannirunnaqmata angikkanniqtunit aputiqaqtunillu ilinniarutiksakanniujunnaqtunit piliriangujunnaqtunit atirijavut tukiqattiaqmat.  Tautukkattigut sivuniksarijavut qaujimaqatigiigumallutigit, qimirulugu ammalu akauniqsamut, atanangillunilu ammalu suruinginniqsauluta nunaqjuattinnit.

Tungasuktiliqpagit qimirukanniqullutit qarasaujakkut ilinniarutigikannirunnaqtaqnit piliriangujuksanit, ikajurumaniqaqtunillu piliriqatigijattinnit Sikumit Ilinniaqtiujut pilirijunnaqsingmata, ammalu aktuisimaliratta amisummaringnit makkuktunit – ammalu uvattinnut, nunaqjualimaamit.

Geoff Green, C.M.
Saqiitittisimajuq & Isumatarijaujuq

Piliriarijaksarijavut

Taakkua Sikumit Ilinniaqtiujut Tungavigijangat ikajurumangmata ammalu ajurunniikanniqujillutik sivuliuqniqmut suruittailimaniqmit sivuniksattinnut pilirijunnaqsiniaqmata makkuktut nunamit, ammalu qaujimajunik, kikkutuinnanik, ammalu pilirijunnautiqaqtunit asijjiqsiqataujunnaqtunut.

Ikajuqnirijumajavut

Qangatuqaqlu & Piruqpallianiq

Saqittialauqtillilluta Sikumit Ilinniaqtiujunit 2000-ngutillugu, pilirijumaniqattiaratta nunaqjuarijattinnit, kisiani mikimmat atuqsimajavut.  Ullumi, quviasuttiaqtugut ilauliqmata pitaqaqniqsauliqllutik tamaqmik.  Sikumit Ilinniaqtiujut sivuliuqsimangmata unuqniqsanit 35 qaujisariaqattaqsimaliqtunit Ukiuqtaqtumut, Aputiqaqtumut Nunaqjuap Attanut ammalu akunninginnit.  Atuni ingiraqattaqsimajangit qutiksigiaqsimaliqmat turaagarijattinnut katiqatigiiqattaqlutik makkuktut, qaujimakanniliqllutik aputitaqaqtumuaqattaramik, angiligiallunilu uviniqatigiingittut ilauqattaliqmata, ammalu ikajuqtuikanniqmat aqusaaqattautijut-iliqusiqatigiingittut aajiqatigiigunnaqsillutik ikajuqtigiikpallialutik inuusiqattiaqniqmut ammalu suruittailimaniqmut sivuniksattinnut.

Tautukkattigut sivuniksaq piruivallianiq Sikumit Ilinniaqtinit aniguijunnatiaqullugit atuqpalliajamigullu ilinniarutigivallialunigit ammalu makkuktut katiqatigiiqattarunnaqniaqmata piruikanniqlutik piliriangujuksanik imaittunik nunami-tungalutik, ammalu qarasaujatigut tautuqattautilutik ilinniaqpalliatillugit pijuminaqtuniklu.  Ilakanniqlugu, Sikumit Ilinniaqtiujut angiglivaliangmat ikajuqtuiniujuq makkuktunik atuqpallialunigit ilinniarutigivallialunigillu saqittiqattarunaqniaqmata pijuminaqtunik ammalu pilirijunnautigijunnaqtanginnik qaujimajitarijaujunnaqniq, pilirijunnattiaqniqmut ammalu nunalingnit ikajuqtuijunnaqniq.  Taimailingagatta, turaagarijavut ikajurumaniq ammalu piruittiarasuaqlugu suruittailimaniliriniq sivuliuqtiujunnaqniqmit tamainnilimaaq atuqtauvalliatillugit Sikumit Ilinniaqtiujunut ilinniarutingitigut ammalu ajurunniiqpalliajunnaqlutik piliriangujuksanit.

Sikumit Ilinniaqtiujut ilisarijausimaliqmata silaqjualimaamit sivuliuqninginnut makkuktunit katiqatigiiktittijunnaqattaqninginnut, tukisiumajauliqmallu qanuiliurasuaqtavut tukisiumajauvaaliqmallu inuusirijanginnit nunaqjuamit.  Tautuktavut aniguititautiaqattaqmat pilirijumattiaqninginnut ammalu pilirigiarunnattiaqpakllutik.  Ilittikannirunnaqtutit qangatuqaulauqtumit atuqsimajattinnit, asijjiqpallianginnaqllunilu ammalu aktuisimaliqmat atuqsimaliqtattinnit 20 Arraagunit Aktuijauniqmingnut Unikkaaliat.

Takulugu 20 Arraagunit Aktuijauniqmingnut Unikkaaliat-risimajavut.

Katimajiqutigijavut Uqaujjuijiujut

Taanna Sikumit Ilinniaqtiujut Tungavingat ikajuqtaungmat angiqsimattiaqtunik taakununga sivuliuqtiujunik ukunangaaqtunit qanutuinnattiaq qaujisaqtulirijinit, Nunaqaqqaaqsimajunit, suruittailimanasuaqtinit, saqiitittijiuvaktunik, ammalu nangminiqauqtunit Katimajigijavut Uqaujjuijiujut attanit titiraqsimajut.

Takujunnaqtatit Katimajiqutigijavut Uqaujjuijiujut

Piliriqatigijavut

Sikumit Ilinniaqtiujut sivuliuqtaungmata angiqsimattiaqtunit piliriqatigiingujunit saqittivallianiqarumattiaqllutiglu piliriangujuksanit ammalu atuqpalliajangit ikajuutiqarunnaqtunik makkuktunut ammalu nunaqjuattinnut.  Ukua tavva katiqatigisimaliqtavut ajungittiaqtut piliriqatigiiliqtut kikkutuinnait nakituinnattiaq iliqusiqauqtunit ammalu ajunginniqattiaqtut katiqatigiigunnaqtittiqattaqtut makkuktunit qaujimajunnattiaqniaqmata ammalu ikajuqtuqtaujunnattiaqniaqmata sivuliuqpallianiaqtillugit suruittailimaniqmut sivuniksattinut.

Ukua tavva Piliriqatigijavut

Ikajuqtigijunnaqtattigit

Ikajuqtuiqatigiingniq ajuqnangitittiniqsaungmat iqanaijaqatigiingniqmut taakunani Sikumit Ilinniaqtiujut Tungavinganit.  Taanna Tungavigijangat aajiqatiqaqpangmat amisunik tusaumaqatigiiktunit Kanata-limaamit ammalu siliaqjualimaamit piliriqatigijavut piruikannirasuaqtut ilinniaqtunut kiinaujaqaqtitaujunnaqtunik piliriarijaksanginnut, piruivalliattiaqlutik ammalu ingiratitaujunnaqniaqmata nunaqjuamit-ilinniaqvigijaujuq qanuiliurutiksarijaujunik ilisaijiqaqllutik ammalu pigiaqtitivangmata qanuiliurutiksalimaanginnik ikajuqtuinasuaqtut qanuiliurutiksanik, piliriangujuksanit ammalu saqitauvalliajunik.

Tukisigiakannirutiksat